Finalja e Champions League 2025 në Allianz Arena sjell një duel mes ambicies së re të PSG-së dhe përvojës së Interit, në një përballje që pritet të jetë e zjarrtë.
Paris Saint-Germain dhe Inter Milan përplasin sot në mbrëmje ambiciet për trofeun më të madh evropian në Mynih. Francezët kërkojnë titullin e parë në histori, ndërsa italianët duan të rikthehen në majën e Evropës për herë të katërt.
PSG vjen në finale pas një sezoni dominues nën drejtimin e Luis Enrique, me yje si Dembélé dhe Kvaratskhelia që kanë shkëlqyer. Nga ana tjetër, Interi i Simone Inzaghit ka kaluar pengesa të mëdha si Bayern dhe Barcelona, dhe mbështetet te përvoja e Lautaro Martínez dhe Mkhitaryan.
Ndeshja nis në orën 21:00 dhe pritet të ofrojë emocione të forta për tifozët në stadium dhe miliona të tjerë para ekraneve.
