Nga Zenel Çeliku
Republika e Mali të Zi po vazhdon me ritme të shpejta rrugëtimin drejt Bashkimit Europian, por ky proces përballet me tensione të brendshme. Zyrtarët e BE-së kanë përshëndetur përparimin e bërë gjatë vitit të fundit, ndërsa projekti ambicioz i integrimit ekonomik është vlerësuar si thelbësor për ardhmërinë e vendit.
Kryetarja e Komisionit Europian, Ursula von der Leyen, ka vlerësuar arritjet e Malit të Zi, duke theksuar se është e mrekullueshme të shikohet vendi plotësisht i përqendruar në synimin e pranimit në BE. Sipas saj, Mali i Zi ka bërë një progres të dukshëm dhe nuk ka kthim pas nga kjo rrugë euroatlantike.
Megjithatë, brenda vendit ekzistojnë tendenca që kërkojnë ndalimin e këtij procesi. Partitë pro-serbe dhe pro-ruse po përpiqen të ndalin integrimin në BE, duke krijuar polarizim në shoqërinë multietnike. Problemet janë të ndryshme: qëndrimet e ndryshme mbi luftën në Ukrainë, ndikimi ideologjik, fetar dhe etnik, si dhe simbolika e diskutueshme në institucione – përfshirë prezencën e simboleve serbe në zyrat shtetërore.
Opozita në Parlament kritikoi zotin Perdana, duke vënë në dukje se prezenca e flamurit serb në zyrën e tij cenon Kushtetutën dhe ligjet e Malit të Zi. Megjithatë, edhe pse përballë këtyre sfidave, vizioni për anëtarësim në BE deri në vitin 2030 mbetet i paprekshëm, sipas zyrtarëve europianë.
Qasja europiane është e qartë: Mali i Zi po e ka bërë përzgjedhjen e duhur drejt politikave euroatlantike dhe sprovat e brendshme nuk e largojnë atë nga destinacioni. Ky angazhim i përbashkët me Shqipërinë dhe partnerë të tjerë është drejt një perspektive më të sigurt dhe të përbashkët europiane.
