Pse ka rëndësi:
Pas dështimit të 50-të për konstituimin e Kuvendit, kryeministri në detyrë i Kosovës, Albin Kurti, ka nisur bisedime intensive për formimin e institucioneve të reja para afatit përfundimtar të 26 korrikut, të përcaktuar nga Gjykata Kushtetuese.
Çfarë po ndodh:
- Oferta: Kurti konfirmoi se i ka bërë një “ofertë konkrete” partisë Nisma Socialdemokrate për të formuar qeverinë.
- Afati: Ai tha se deri në fund të kësaj jave do të bëhet e qartë nëse ka marrëveshje.
- Kuvendi i bllokuar: Seanca konstituive ka dështuar 50 herë që nga 15 prilli, duke e lënë Kosovën pa institucione të reja pas zgjedhjeve të 9 shkurtit 2025.
Çfarë tha Kurti:
- “Kemi shprehur jo vetëm interesimin, por edhe gatishmërinë për të bashkëqeverisur me Nismën.”
- “Mosmarrëveshjet politike nuk i zgjidh gjykata, por tryeza e partive.”
- Ai paralajmëroi se vendi ka “shumë punë” pavarësisht kompetencave të kufizuara të qeverisë në detyrë.
Çfarë pritet:
- Nëse nuk arrihet marrëveshje deri më 26 korrik, kriza institucionale mund të thellohet.
- Për momentin, Kurti nuk ka zbuluar detajet e ofertës për Nismën Socialdemokrate.
