TIRANË, 8 korrik – Kryeministri Edi Rama vijoi të martën turin e ristrukturimeve në administratën vendore, duke kërkuar largimin e drejtuesve në bashkitë e Fierit dhe Durrësit. Pas modelit të Vlorës, ku 21 drejtues u dorëhoqën javën e kaluar, Rama kërkon “sy të freskët” dhe efikasitet të ri në qeverisjen lokale.
Në Fier, në prani të zëvendëskryeministres Belinda Balluku dhe kryebashkiakut Armando Subashi, të gjithë drejtuesve lokalë u kërkua dorëheqja. Në Durrës, Rama paralajmëroi ndërhyrje të ngjashme, në bashkëbisedim me kryebashkiaken Emirjana Sako.
Fokusi mbetet lirimi i hapësirave publike, pastërtia dhe përmirësimi i shërbimeve. Sipas Ramës, ndryshimet lidhen me “cilësinë e jetës” dhe shmangien e paaftësisë menaxheriale. Aksioni do të shtrihet edhe në Tiranë dhe Shkodër.
