Tajlanda dhe Kamboxhia janë përfshirë në përplasjet më të ashpra ushtarake të dekadës së fundit. Luftimet, që shpërthyen në një zonë të kontestuar kufitare të njohur si “Trekëndëshi i Smaragdit”, kanë lënë të paktën 17 viktima, shumica studentë që ndodheshin në një dyqan në momentin e sulmit.
Ushtria tajlandeze njoftoi se në luftime janë përdorur tanke, artileri dhe trupa tokësore në gjashtë lokacione, ndërsa gjashtë avionë luftarakë tajlandezë kanë goditur objektivat e forcave kamboxhiane. Ministria e Mbrojtjes së Kamboxhias ende nuk ka dhënë detaje për numrin e viktimave, ndërsa të dyja palët fajësojnë njëra-tjetrën për nisjen e konfliktit.
