Turqia është financuesi kryesor i ndërtimit të xhamive në Ballkanin Perëndimor, pjesë e një strategjie të qartë gjeopolitike nga presidenti Recep Tayyip Erdogan. Sipas një analize të Deutsche Welle, qëllimi është përhapja e Islamit konservator dhe forcimi i ndikimit turk përmes mjeteve fetare dhe kulturore.
Xhamitë financohen kryesisht nga Diyanet, autoriteti shtetëror për çështjet fetare, dhe ndërtohen në stil osman, duke pasqyruar ndikim arkitekturor dhe historik. Erdogan përdor retorikën e “vëllazërisë” dhe “fatit të përbashkët” për të lidhur vendet e Ballkanit me trashëgiminë otomane dhe agjendën turke.
Përmes këtyre investimeve, Turqia kërkon të institucionalizojë prani të qëndrueshme në rajon, duke forcuar lidhjet fetare dhe duke ushtruar ndikim politik në komunitetet myslimane.
