Mijëra izraelitë u mblodhën të dielën mbrëma në Sheshin e Pengjeve në Tel Aviv, duke kërkuar nga qeveria një marrëveshje për lirimin e pengjeve.
Sipas Forumit të Familjeve të Pengjeve, në Tel Aviv morën pjesë rreth 500,000 persona, ndërsa në të gjithë vendin numri i protestuesve arriti një milion. Nuk ka shifra zyrtare, por organizatorët e quajtën një mesazh të qartë ndaj qeverisë.
“I gjithë populli izraelit dëshiron lirimin e të gjithë pengjeve dhe fundin e luftës,” thuhet në deklaratën e Forumit, të cituar nga Times of Israel.
Protesta pasqyron zemërimin dhe dëshpërimin e familjeve, të cilat kërkojnë përshpejtimin e negociatave për kthimin e të afërmve të tyre.
