SPAK përfundoi hetimet dhe dërgoi për gjykim Ilir Metën, Monika Kryemadhin, Fatime Kryemadhin, Pirro Xhixhon dhe Ema Çokun. Çështja kalon në Gjykatën e Posaçme të Shkallës së Parë.
Akurat: Meta akuzohet për korrupsion pasiv në tre episode (dy në bashkëpunim), pastrim parash në bashkëpunim dhe mosdeklarim/fshirje të pasurisë. Kryemadhi akuzohet për dy episode korrupsioni pasiv në bashkëpunim, pastrim parash në bashkëpunim dhe mosdeklarim pasurie. Xhixho akuzohet për korrupsion pasiv në bashkëpunim; Fatime Kryemadhi dhe Ema Çoku për pastrim parash.
Masat: Meta në “arrest në burg”; Monika Kryemadhi në “detyrim paraqitje”.
Pikat kryesore të dosjes:
— Ndërhyrje në kontratën CEZ–DIA për mbledhjen e borxheve; DIA ka përfituar 649,803,520 lekë me procedurë të parregullt.
— Ndikim i paligjshëm për akses në tregun e fibrave optike dhe një marrëveshje interkoneksioni; përfitime përmes përqindjeve fitimi dhe përdorimit të kartave të kreditit të padeklaruara.
— Marrëdhënie korruptive me një biznesmen, përfshirë përdorim vile si shpërblim dhe ndërhyrje për ndryshim ligji.
— Lobim i LSI në SHBA: një shumë 463,546.26 USD jashtë llogarive bankare të partisë dhe e papasqyruar plotësisht në bilance.
— Blerje dubleksi në Tiranë përmes depozitimesh të konsiderueshme në kesh dhe shlyerje kredie si mbulesë.
— Shpenzime shëndetësore të padeklaruara rreth 106 mijë euro, një pjesë e paguar në kesh.
Hetimi nisi në vitin 2019 dhe është zgjeruar me kallëzime të tjera; Prokuroria thotë se ka bashkëpunuar me autoritete në SHBA, Austri, Itali, San Marino dhe Qipro. Meta dhe Kryemadhi i mohojnë akuzat, duke i cilësuar politike. Dosja shkon për shqyrtim paraprak në GJKKO.
