Kryeministri Edi Rama reagoi pas qarkullimit të një videoje nga samiti i Komunitetit Politik Evropian në Danimarkë, ku ai bisedon me humor me Emmanuel Macron dhe Ilham Aliyev. Rama tha se fjalia u tha “në frymë miqësie” dhe nuk kishte qëllim politik.
Ai rikujtoi lapsusin e mëparshëm të presidentit amerikan Donald Trump për “paqen Shqipëri–Azerbajxhan” dhe shtoi se “Presidenti Trump riktheu fjalën ‘paqe’ në fjalorin e Perëndimit” duke arritur marrëveshje “në kohë të shkurtër”.
Rama e quajti interpretimin politik të shkëmbimit “të padrejtë”, duke theksuar se bëhej fjalë vetëm për humor mes miqsh. Sipas tij, si Macron ashtu edhe Aliyev janë “admirues” të Trumpit.
