Ministri i Mbrojtjes, Pirro Vengu, nga ministeriali i Kartës së Adriatikut në Sarajevë, bëri thirrje që Kosova të pranohet në nismën A5. Ai tha se rajoni përballet ende me rreziqe të vjetra dhe me kërcënime të reja, ndaj kërkohet një qasje më e fortë bashkëpunimi.
Vengu theksoi se siguria nuk garantohet vetëm me deklarata, por me investime në kapital njerëzor, mbrojtje kibernetike dhe pajisje moderne. Ai e vuri në dukje rolin e SHBA-së si partner kryesor për stabilitetin e Ballkanit.
Mesazhi i tij kryesor ishte përfshirja e Kosovës. Sipas ministrit, pa integrimin e Prishtinës në A5, siguria e rajonit nuk mund të jetë e plotë.
