Sot shënohen 15 vite nga 21 janari 2011, kur gjatë një proteste të Partisë Socialiste para Kryeministrisë, në bulevardin “Dëshmorët e Kombit”, u vranë katër protestues: Aleks Nika, Ziver Veizi, Faik Myrtaj dhe Hekuran Deda. Ata u shpallën më pas Dëshmorë të Atdheut.
Për vite me radhë, çështja mbeti pa përgjegjësi penale. Në korrik 2024, Prokuroria e Posaçme rihapi zyrtarisht hetimet, pas vendimit të Gjykatës Evropiane të të Drejtave të Njeriut, e cila e cilësoi ngjarjen si “krim shtetëror që duhej zbardhur”.
Hetimi u rinis mbi bazën e kallëzimit të familjarëve të viktimave, ndaj ish-zyrtarëve të lartë të kohës. Deri tani, procesi mbetet në fazë hetimore.
Drejtues të Partisë Socialiste kanë kërkuar zbatimin e plotë të vendimeve të GJEDNJ-së dhe Gjykatës së Lartë, duke theksuar se përgjegjësia institucionale për zbardhjen e 21 Janarit mbetet ende e papërmbushur.
