Komisionerja për Zgjerim e BE-së, Marta Kos, tha se të gjitha vendet e Ballkanit Perëndimor kanë vend në Bashkimin Evropian, nëse përmbushin reformat e kërkuara.
Kos e bëri deklaratën para takimit të ministrave të Jashtëm të BE-së me vendet e rajonit.
Ajo tha se zgjerimi është përparësi për Bashkimin Evropian dhe se BE do të ecë përpara me vendet që japin rezultate në procesin e reformave.
“Ka vend në Bashkimin Evropian për të gjitha shtetet e Ballkanit Perëndimor”, tha Kos.
Komisionerja përmendi Malin e Zi si një nga vendet më të avancuara në procesin e anëtarësimit. Sipas saj, BE ka krijuar për herë të parë pas 17 vitesh grupin punues për traktatin e pranimit të një vendi të ri.
Kos tha gjithashtu se zbatimi i Planit të Rritjes po ecën mirë. Ajo paralajmëroi se BE do të shpërndajë rreth 200 milionë euro për Malin e Zi, Shqipërinë dhe Maqedoninë e Veriut.
Rreth autorit
