Komisioni Qendror i Zgjedhjeve në Kosovë ka përfunduar numërimin e votave për partitë në zgjedhjet parlamentare të 7 qershorit.
Sipas rezultatit final preliminar, Lëvizja Vetëvendosje renditet e para me 42.91% të votave, ose 299,152 vota.
Partia Demokratike e Kosovës është e dyta me 21.12%, ose 147,220 vota.
Lidhja Demokratike e Kosovës mori 17.58%, ose 122,575 vota.
Aleanca për Ardhmërinë e Kosovës siguroi hyrjen në Kuvend me 7.16%, ose 49,917 vota.
Lista Serbe mori 6.18%, ose 43,071 vota.
KQZ pritet të nisë sot numërimin e votave për kandidatët për deputetë në qendrat komunale të numërimit.
Në ditët në vijim pritet edhe numërimi i votave të diasporës. Për këto zgjedhje ishin regjistruar rreth 130 mijë votues jashtë Kosovës.
About the Author
