Kupa e Botës 2026 nis sot në SHBA, Meksikë dhe Kanada, në edicionin e parë me 48 skuadra dhe me disa nga yjet më të mëdhenj të futbollit në skenë.
Franca dhe Spanja shihen mes favoriteve kryesore, por formati i zgjeruar pritet të sjellë më shumë ndeshje, më shumë rivalitet dhe më shumë surpriza.
Ky pritet të jetë Botërori i fundit për Lionel Messin dhe Cristiano Ronaldon, dy futbollistët që kanë dominuar skenën botërore për më shumë se dy dekada.
Messi vjen si kampion bote me Argjentinën, ndërsa Ronaldo kërkon trofeun e madh që i mungon me Portugalinë.
Në qendër të vëmendjes do të jenë edhe Kylian Mbappe dhe Erling Haaland, dy prej sulmuesve më të fortë të brezit të ri.
Anglia mbështet shpresat te Harry Kane dhe Jude Bellingham, ndërsa Brazili pret shumë nga Vinicius Junior.
Spanja ka në radhët e saj Lamine Yamal, një nga talentet më të mëdha të futbollit evropian.
Mes emrave që pritet të tërheqin vëmendje janë edhe Mohamed Salah, Sadio Mane, Riyad Mahrez, Arda Guler, Kenan Yildiz, Jamal Musiala dhe Nico Paz.
Botërori 2026 pritet të jetë një nga turnetë më të mëdhenj në histori, jo vetëm për shkak të formatit, por edhe për peshën sportive, mediatike dhe ekonomike që mbart.
About the Author
