Presidentja e Komisionit Europian do të vizitojë rajonin në tetor, por Brukseli nuk ka konfirmuar ndalesë në Beograd.
Presidentja e Komisionit Europian, Ursula von der Leyen, do të vizitojë Ballkanin Perëndimor muajin e ardhshëm, por Serbia mund të mos përfshihet në turin e saj.
Komisioni Europian tha se programi ende po përgatitet dhe nuk mund të konfirmojë nëse do të vizitohen të gjitha vendet e rajonit. Një zyrtar i lartë i Komisionit tha se mundësia që Serbia të lihet jashtë nuk përjashtohet.
Von der Leyen zhvillon zakonisht çdo vit një turne në të gjitha vendet e Ballkanit Perëndimor, përfshirë Serbinë.
Pikëpyetjet për Beogradin vijnë pas funeralit me nderime shtetërore dhe ushtarake të Ratko Mlladiqit. Komisionerja për Zgjerimin, Marta Kos, anuloi më herët një vizitë në Serbi dhe tha se glorifikimi i Mlladiqit nuk përputhet me vlerat e rrugës drejt Bashkimit Europian.
Në Parlamentin Europian janë bërë gjithashtu thirrje që von der Leyen të mos e vizitojë Serbinë gjatë këtij turi.
About the Author
