Kryeministri tha se rritja e pagave duhet të kalojë përmes qeverisë dhe Kuvendit, ndërsa la të hapur tryezën e bisedimeve me drejtësinë.
Kryeministri Edi Rama ka kundërshtuar kërkesat e gjyqtarëve dhe prokurorëve për rritjen e pagave, duke thënë se politika e pagave propozohet nga qeveria dhe miratohet nga Parlamenti.
Rama tha se institucionet e drejtësisë nuk mund t’i imponojnë Kuvendit afate ose mënyrën se si duhet të votojë për pagat.
Ai paralajmëroi se përdorimi i koordinuar i padive, masave të sigurimit ose përmbarimit për të detyruar qeverinë të rrisë pagat do të krijonte një përplasje të re mes pushteteve.
Kryeministri tha se qeveria nuk kërkon konflikt me drejtësinë dhe se tryeza e dialogut mes institucioneve mbetet e hapur.
Sipas Ramës, tensioni publik për pagat duhet të mbyllet më 17 shtator, por bisedimet mes qeverisë dhe institucioneve të drejtësisë duhet të vazhdojnë.
About the Author
