Donald Trump hyn të martën në ditën më të ngarkuar të diplomacisë ndërkombëtare me dy konflikte të mëdha mbi tryezë: Ukrainën dhe Lindjen e Mesme.
Presidenti amerikan pritet fillimisht t’i drejtohet Asamblesë së Përgjithshme të OKB-së në New York dhe më pas të zhvillojë takime, individualisht ose në grup, me të paktën 11 liderë dhe përfaqësues shtetesh.
Mes takimeve më të ndjekura është ai me presidentin ukrainas Volodymyr Zelensky.
Zelensky pritet t’i kërkojë Trumpit mbështetje për një marrëveshje që do të ndalte goditjet ruse dhe ukrainase ndaj objektivave energjetike, në një kohë kur Kievi shqetësohet për sulmet ndaj rrjetit elektrik përpara dimrit. Ukraina do të diskutojë gjithashtu furnizimin me sistemet amerikane Patriot.
Fronti tjetër është Lindja e Mesme.
Trump do të takohet me përfaqësuesit e Arabisë Saudite, Emirateve të Bashkuara Arabe, Omanit, Bahreinit, Kuvajtit dhe Katarit. Bisedimet zhvillohen ndërsa vendet e Gjirit përballen me pasojat e luftës me Iranin dhe avancimin e forcave Houthi në Jemen.
Në axhendën e presidentit amerikan janë edhe kryeministri britanik Andy Burnham, udhëheqësja e përkohshme e Venezuelës Delcy Rodriguez dhe drejtuesit e Danimarkës dhe Groenlandës. Me këta të fundit Trump pritet të nënshkruajë një marrëveshje për rritjen e pranisë ushtarake amerikane në Groenlandë.
Me rreth 130 krerë shtetesh dhe qeverish të mbledhur në New York, dita e parë e debatit të përgjithshëm të OKB-së hapet kështu me luftërat, energjinë dhe sigurinë ndërkombëtare në krye të axhendë
Rreth autorit
