Policia e Kosovës arrestoi nëntë persona në Zubin Potok nën dyshimin për krime lufte kundër popullsisë civile.
Operacioni i koduar “Dosja 23” u zhvillua të dielën në disa lokacione me urdhër të Prokurorisë Speciale.
Të nëntë të arrestuarit u ndaluan për 48 orë. Prokuroria tha se ata dyshohen për veprën penale “krime lufte kundër popullsisë civile”.
Gjatë kontrolleve, policia sekuestroi nëntë telefona, dy libreza ushtarake, një armë të gjatë, një pushkë gjuetie, municion dhe katër predha.
U sekuestruan gjithashtu rreth 23 mijë euro dhe 60 mijë dinarë serbë.
Hetimi lidhet me çështjen e njohur si “Grupi i intelektualëve”. Prokuroria dhe policia nuk kanë publikuar ende hollësi të tjera për rolin që i atribuohet secilit të arrestuar.
Rreth autorit
