Universitetet publike dhe private në Shqipëri hapën të hënën vitin e ri akademik 2026–2027.
Rreth 120 mijë studentë pritet të ndjekin studimet në tre ciklet universitare. Afro 20 mijë prej tyre janë studentë të vitit të parë.
Rreth 70% e të rinjve të regjistruar kanë zgjedhur universitete publike dhe 30% universitete private.
Mjekësia e Përgjithshme, Stomatologjia, Teknologjia e Informacionit, Inxhinieria dhe Arkitektura janë mes programeve me kërkesën më të lartë.
Në disa universitete dhe programe vijojnë të ketë vende të lira.
Kandidatët që duan të marrin pjesë në raundin e tretë mund të plotësojnë formularin A1Z deri më 6 tetor. Raundi i tretë i aplikimeve zhvillohet nga 8 deri më 21 tetor.
Viti akademik përfundon më 24 shtator 2027.
Rreth autorit
