Kuvendi i Kosovës zgjodhi Justina Shiroka-Pulën presidente të vendit në votimin e zhvilluar mbrëmjen e së martës.
Ajo mori 81 vota, një më shumë se shumica prej dy të tretash e nevojshme për zgjedhjen e presidentit.
Votimi u bë i mundur pas një marrëveshjeje mes Vetëvendosjes së Albin Kurtit dhe Partisë Demokratike të Kosovës.
Para votimit për presidente, Kuvendi miratoi edhe ndryshimet në ligjin për Dhomat e Specializuara, një kërkesë e vendosur nga PDK-ja.
Shiroka-Pula është ekonomiste dhe profesore universitare. Ajo ka mbajtur më parë postin e ministres së Energjisë dhe Minierave dhe ka drejtuar Akademinë e Shkencave dhe Arteve të Kosovës.
Pas betimit, ajo deklaroi se do të jetë presidente e të gjithë qytetarëve.
Zgjedhja e presidentes i dha fund një ngërçi politik që rrezikonte ta çonte Kosovën sërish në zgjedhje.
Rreth autorit
