TIRANË, 21 tetor 2026 – Një person që jeton i vetëm në Shqipëri është në rrezik varfërie nëse ka më pak se 29,130 lekë të ardhura në muaj.
Sipas INSTAT-it, ky prag është dyfishuar që nga viti 2019, kur ishte 14,232 lekë.
Ndërkohë, pensioni mesatar i pleqërisë në qytet është rreth 20,100 lekë në muaj, ndërsa në fshat vetëm 12,300 lekë.
Kjo do të thotë se një pensionist që jeton vetëm me pensionin mesatar merr rreth 9 mijë lekë më pak se pragu i varfërisë në qytet dhe afro 17 mijë lekë më pak në fshat.
Edhe ndihma ekonomike mbetet e ulët. Në vitin 2025, familjet përfituese morën mesatarisht 7,253 lekë në muaj.
Pragu i varfërisë nuk përfaqëson koston minimale të jetesës. Ai është një tregues statistikor që mat të ardhurat në raport me pjesën tjetër të popullsisë.
Në vitin 2025, 19% e shqiptarëve ishin në rrezik varfërie, nga 19.2% një vit më parë.
Rreth autorit
