Kupa e Botës 2026 nisi me fitore për Meksikën dhe Korenë e Jugut në Grupin A.
Meksika mposhti Afrikën e Jugut 2-0 në stadiumin “Azteca” në Mexico City.
Quiñones kaloi vendasit në avantazh në minutën e 9-të, ndërsa Jimenez shënoi golin e dytë në minutën e 67-të.
Afrika e Jugut e mbylli ndeshjen me nëntë lojtarë, pas përjashtimeve të Sithole në minutën e 49-të dhe Zwane në minutën e 84-t.
Për Meksikën u përjashtua Montes në minutën e 92-të.
Në ndeshjen tjetër të grupit, Koreja e Jugut përmbysi Çekinë 2-1 në Guadalajara.
Çekia kaloi e para në avantazh me golin e Ladislav Krejci në minutën e 59-të.
Koreja barazoi tetë minuta më vonë me Hwang In-beom, pas një pasimi të Lee Kang-in.
Golin e fitores e shënoi Oh Hyeon-gyu, i cili kishte hyrë në lojë në vend të Son Heung-min.
Çekia shënoi edhe një herë me Tomas Soucek, por goli u anulua për pozicion jashtë loje.
Pas ndeshjeve të para, Meksika dhe Koreja e Jugut kryesojnë Grupin A me nga tri pikë.
Në raundin e ardhshëm, Koreja e Jugut do të luajë kundër Meksikës më 18 qershor, ndërsa Çekia do të përballet me Afrikën e Jugut në Atlanta.
About the Author
