Drejtoria e Përgjithshme e Tatimeve e Shqipërisë dhe Administrata Tatimore e Kosovës ranë dakord të forcojnë bashkëpunimin për administrimin tatimor.
Drejtori i Tatimeve, Ilir Binaj, zhvilloi një vizitë pune në Prishtinë, ku u takua me drejtorin e ATK-së, Mentor Hyseni.
Në takim u diskutua për mbledhjen e të ardhurave, komunikimin me tatimpaguesit dhe menaxhimin e detyrimeve të papaguara.
Dy administratat diskutuan edhe për procedurat e mbledhjes së detyrimeve me forcë dhe për mënyrat për të rritur përmbushjen tatimore.
Hyseni tha se shkëmbimi i përvojave mes dy institucioneve është i rëndësishëm për përballimin e sfidave të përbashkëta.
Binaj shprehu gatishmërinë për thellimin e bashkëpunimit dhe shkëmbimin e praktikave më të mira.
Dy institucionet thanë se do të vijojnë aktivitetet e përbashkëta për të rritur efikasitetin dhe cilësinë e shërbimeve për tatimpaguesit.
Rreth autorit
