Kosova mori një tjetër zotim publik mbështetjeje nga Turqia, këtë herë në New York, në prag të javës së nivelit të lartë të Asamblesë së Përgjithshme të OKB-së.
Presidenti Recep Tayyip Erdo?an priti kryeministrin Albin Kurti në Shtëpinë Turke, ku sipas Presidencës turke u diskutuan marrëdhëniet dypalëshe, çështjet rajonale dhe zhvillimet ndërkombëtare.
Erdo?an tha se Turqia do të vazhdojë të mbështesë Kosovën që të marrë atë që Ankara e cilëson si “vendin që i takon” në bashkësinë ndërkombëtare. Ai kërkoi gjithashtu rritjen e tregtisë dhe thellimin e bashkëpunimit në siguri dhe industrinë e mbrojtjes.
Takimi kishte edhe një temë tjetër të ndjeshme.
Kurti tha pas takimit se me presidentin turk kishte diskutuar edhe aktgjykimin e Dhomave të Specializuara ndaj Hashim Thaçit, Kadri Veselit, Rexhep Selimit dhe Jakup Krasniqit. Kryeministri i Kosovës e kundërshton vendimin dhe ka kërkuar korrigjimin e tij në apel.
Kurti falënderoi gjithashtu Turqinë për rolin e saj shumëvjeçar në KFOR dhe për bashkëpunimin ekonomik, duke përmendur projektet në industrinë e municioneve dhe energjinë e erës.
Erdo?an e ftoi Kurtin në samitin e liderëve të COP31 që do të zhvillohet në Turqi, ndërsa Kurti i bëri presidentit turk ftesë për një vizitë në Kosovë.
Rreth autorit
