Dhomat e Specializuara në Hagë shpallën sot dënimet ndaj Hashim Thaçit, Kadri Veselit, Rexhep Selimit dhe Jakup Krasniqit në procesin për krime lufte. Aktgjykimi është i shkallës së parë dhe mund të apelohet.
Hashim Thaçi u dënua me 25 vjet burg. Gjykata e shpalli fajtor për krime lufte, përfshirë vrasje, torturë, trajtim mizor dhe ndalim të paligjshëm. Reuters dhe AP konfirmuan dënimin prej 25 vjetësh.
Trupi gjykues tha se Thaçi kishte dijeni për një numër të konsiderueshëm krimesh ndaj personave të konsideruar kundërshtarë dhe se nuk mori masa për t’i parandaluar ose ndëshkuar ato. Gjykata konstatoi gjithashtu se ai mori pjesë personalisht në krime dhe kontribuoi në fshehjen e tyre.
Sipas vendimit të shpallur në seancë, Jakup Krasniqi u dënua me 25 vjet burg, Kadri Veseli me 18 vjet dhe Rexhep Selimi me 13 vjet.
Katër të pandehurit ishin arrestuar dhe dërguar në Hagë në nëntor 2020. Gjyqi nisi në prill 2023 dhe përfundoi me shpalljen e aktgjykimit më 16 shtator 2026
Rreth autorit
