Deputetët mblidhen në orën 11:00 për të zgjedhur kryetarin dhe nënkryetarët e Kuvendit.
Kuvendi i Kosovës do të rifillojë sot procesin e konstituimit, më shumë se një muaj pasi skadoi afati kushtetues për përfundimin e tij.
Seanca nis në orën 11:00. Në rend dite janë zgjedhja e kryetarit dhe e nënkryetarëve të Kuvendit.
LVV, PDK dhe LDK kanë konfirmuar pjesëmarrjen. Aleanca për Ardhmërinë e Kosovës do ta bojkotojë seancën, duke thënë se procesi po zhvillohet përtej afateve kushtetuese.
PDK do të propozojë Vlora Çitakun për postin e nënkryetares së Kuvendit, ndërsa ende nuk është e qartë nëse ka votat e nevojshme për zgjedhjen e gjithë udhëheqjes së Kuvendit.
Afati 30-ditor për konstituimin e Kuvendit përfundoi më 7 gusht. Dy përpjekjet e mëparshme, më 6 dhe 8 gusht, nuk sollën zgjedhjen e drejtuesve të tij.
About the Author
