Gjykata e Posaçme ka dënuar Durim Bamin me 10 vjet e 8 muaj burg në dosjen “Revanshi”.
Bami u shpall fajtor për sigurimin e kushteve për kryerjen e një vrasjeje, grup të strukturuar kriminal dhe kultivim të bimëve narkotike. Në bashkimin e dënimeve ai mori 16 vjet burg, të reduktuara në 10 vjet e 8 muaj për shkak të gjykimit të shkurtuar.
Gjykata e shpalli të pafajshëm për akuzën që lidhej me përgatitjen e vrasjes së dy personave të tjerë.
Ish-efektivi Altin Morina u dënua me 6 vjet e 8 muaj burg për kultivim narkotikësh, pjesëmarrje në grup të strukturuar kriminal dhe armëmbajtje pa leje.
Në të njëjtën çështje, J.K. dhe A.A. morën nga 4 vjet e 8 muaj burg, O.Z. 10 vjet, E.J. 8 vjet dhe H.M. 5 vjet e 4 muaj.
Vendimi mund të ankimohet në Gjykatën e Posaçme të Apelit.
About the Author
