Vizitorët e huaj shpenzuan 2.38 miliardë euro në Shqipëri gjatë gjysmës së parë të vitit 2026, niveli më i lartë i regjistruar për këtë periudhë. Të dhënat janë të Bankës së Shqipërisë.
Shuma u rrit me 13.4% krahasuar me gjashtëmujorin e parë të vitit 2025. Në të njëjtën periudhë, në Shqipëri hynë rreth 5.1 milionë shtetas të huaj, 6.2% më shumë se një vit më parë.
Shpenzimi mesatar për vizitor arriti rreth 470 euro, nga rreth 440 euro një vit më parë. Kjo do të thotë se të ardhurat nga udhëtimet u rritën më shpejt se numri i vizitorëve.
Shqiptarët shpenzuan ndërkohë rreth 1.4 miliardë euro për udhëtime jashtë vendit. Diferenca mes parave të shpenzuara nga të huajt në Shqipëri dhe atyre të shpenzuara nga shqiptarët jashtë arriti në 957 milionë euro.
Rreth autorit
