TIRANË, 22 tetor 2026 – Enti Rregullator i Energjisë (ERE) propozon që faturimi me vlerësim, kur matësi nuk mund të lexohet, të mos zgjasë më shumë se tre muaj.
Projektmetodologjia zbatohet në rastet kur matësi është i dëmtuar, nuk funksionon ose të dhënat e konsumit nuk mund të merren. Vlerësimi do të mbështetet te konsumi i të njëjtit muaj të vitit të kaluar ose, kur kjo e dhënë mungon, te mesatarja e 12 muajve të fundit.
Për klientët pa histori konsumi, projekt-rregulli parashikon faturim të përkohshëm me zero kilovat-orë. Pas leximit real, furnizuesi duhet të bëjë korrigjimin: teprica zbritet nga faturat e ardhshme, ndërsa diferenca e papaguar shtohet.
Propozimi është pjesë e një projektvendimi dhe nuk ka hyrë ende në fuqi.
Burimi: CNA.
Rreth autorit
