BRUKSEL, 20 tetor 2026 – Parlamenti Europian ka reaguar ndaj protestave në Shqipëri përmes dy përfaqësuesve të tij, të cilët kanë dënuar dhunën dhe kanë kërkuar hetimin e veprimeve të policisë.
Marco Tarquinio, kryetar i Delegacionit të Parlamentit Europian për marrëdhëniet me Shqipërinë, dhe Andreas Schieder, raportues për Shqipërinë, shprehën shqetësim për përshkallëzimin e trazirave në Tiranë.
Në deklaratën e përbashkët të së hënës, ata dënuan sulmet ndaj institucioneve dhe dëmtimin e pronës publike e private. Protestuesve u kërkuan të shmangin dhunën.
Por eurodeputetët ngritën gjithashtu shqetësimin për raportimet mbi përdorimin e tepruar të forcës nga policia dhe kërkuan hetimin e tyre.
Ata theksuan se sundimi i ligjit mbetet kusht themelor për përparimin e Shqipërisë drejt anëtarësimit në Bashkimin Europian.
Reagimi vjen pas një jave protestash me dhjetëra të lënduar, arrestime dhe dëmtime të institucioneve.
Rreth autorit
