Komisioni për Legjislacion i Kuvendit të Kosovës miratoi të hënën në parim ndryshimet në Ligjin për Dhomat e Specializuara.
Të nëntë deputetët e pranishëm votuan pro. Nuk pati asnjë votë kundër dhe asnjë abstenim.
Projektligji është pika e parë e rendit të ditës në seancën e jashtëzakonshme të Kuvendit.
Nisma e paraqitur nga PDK parashikon kufizime të juridiksionit të Dhomave të Specializuara dhe mundësinë që disa çështje të trajtohen në Kosovë.
Drafti parashikon gjithashtu mundësinë e ankimit në Gjykatën Supreme të Kosovës, uljen e dënimit maksimal në 15 vjet, vuajtjen e dënimeve në Kosovë dhe mundësinë e faljes presidenciale.
Protestues të nismës “Jo në emrin tim” kaluan natën para Kuvendit, ndërsa veteranët e UÇK-së kanë thirrur gjithashtu protestë.
PDK ka thënë se pas miratimit përfundimtar të ligjit është e gatshme të negociojë menjëherë për presidentin. Afati kushtetues për zgjedhjen e presidentit mbaron më 6 tetor.
Rreth autorit
