NJU-JORK, 21 tetor 2026 – Ministri i Jashtëm i Kosovës, Glauk Konjufca, është përplasur me homologun serb, Marko Gjuriq, në Këshillin e Sigurimit të OKB-së, duke i kujtuar lidhjet e zyrtarëve serbë me Milan Radoiçiqin.
Konjufca vuri në pikëpyetje angazhimin e Beogradit për integrimin europian, ndërsa zyrtarë të tij takohen me Radoiçiqin, i cili ka pranuar përgjegjësinë për organizimin e sulmit të armatosur në Banjskë.
Në atë sulm, në shtator 2023, u vra polici i Kosovës Afrim Bunjaku.
Konjufca kundërshtoi edhe pretendimet e Gjuriqit për trajtimin e komunitetit serb në Kosovë.
Ai tha se ministri serb nuk përmendi mijëra shqiptarët e vrarë gjatë luftës dhe akuzoi Beogradin për shmangie të përgjegjësisë.
Gjuriqi, nga ana e tij, foli për presion ndaj serbëve në veri të Kosovës dhe kritikoi ndryshimet në ligjin për Gjykatën Speciale.
Përgjegjësia për sulmin në Banjskë dhe mungesa e bashkëpunimit për zbardhjen e fatit të personave të zhdukur mbeten mes çështjeve që rëndojnë marrëdhëniet Kosovë–Serbi.
Rreth autorit
