TIRANË, 21 tetor 2026 – SPAK i ka komunikuar Belinda Ballukut pesë akuza penale, mes tyre korrupsion, pastrim parash dhe shkelje të barazisë në tendera.
Ish-zëvendëskryeministrja u paraqit të martën në Prokurorinë e Posaçme, ku iu bënë të njohura akuzat përfundimtare.
Sipas SPAK-ut, Balluku dyshohet se ka shkelur barazinë e pjesëmarrësve në nëntë tendera publikë. Ajo akuzohet gjithashtu për korrupsion pasiv, fshehje ose mosdeklarim të pasurisë në dy raste dhe pastrim parash që lidhet me dy prona të paluajtshme.
Hetimi përfshin tenderat e Tunelit të Llogarasë, të Unazës së Madhe të Tiranës dhe procedura të tjera të prokurimit publik.
Prokuroria tha se po vijon punën për t’u komunikuar akuzat edhe personave të tjerë të përfshirë në dosje.
Balluku i mohon akuzat. Ajo u shkarkua nga qeveria në shkurt, ndërsa Kuvendi nuk miratoi kërkesën e SPAK-ut për heqjen e imunitetit të saj parlamentar.
Rreth autorit
