TIRANË, 20 tetor 2026 – Pesë persona janë arrestuar dhe 15 të tjerë janë shpallur në kërkim pas sulmit ndaj Gjykatës së Apelit gjatë protestës së të hënës në Tiranë.
Sipas policisë, protestuesit thyen dyer e dritare dhe hynë në ndërtesë. Mes të arrestuarve është edhe një i mitur. Gjatë ndërhyrjes u sekuestruan edhe lëndë piroteknike.
Ndërkohë, policia ka publikuar bilancin e protestës së së dielës, më 18 tetor: 68 persona të arrestuar, mes tyre shtatë të mitur, dhe 22 të tjerë të proceduar penalisht.
Të dyshuarit akuzohen për sulme me gurë, sende të forta dhe mjete piroteknike ndaj policisë dhe institucioneve. Sipas autoriteteve, gjatë protestës së së dielës u lënduan 20 efektivë.
Protestat kundër qeverisë kanë hyrë në javën e dytë. Kryeministri Edi Rama refuzon dorëheqjen, ndërsa demonstruesit kërkojnë largimin e tij dhe ndryshime në arsim e qeverisje.
Rreth autorit
