PRISHTINË, 3 nëntor — Qeveria e Kosovës ka miratuar projektbuxhetin prej 4.27 miliardë eurosh për vitin 2027 dhe ia ka dërguar Kuvendit për shqyrtim.
Kryeministri Albin Kurti tha se shuma është 300 milionë euro më e lartë se buxheti fillestar i këtij viti. Nga fondet e planifikuara, 908 milionë euro parashikohen për komunat.
Projektbuxheti përfshin pagën e 13-të për punonjësit publikë gjatë gjysmës së parë të vitit. Nga 1 korriku 2027, vlera e koeficientit të pagave parashikohet të rritet nga 110 në 120 euro, ndërsa fondi i përgjithshëm i pagave do të arrijë në 1.085 miliardë euro.
Qeveria ka përfshirë edhe rritjen e shtesave për fëmijë, financimin e investimeve kapitale dhe mbështetjen për mbrojtjen juridike të ish-krerëve të UÇK-së në Hagë.
Masat e propozuara duhet të miratohen nga Kuvendi përpara se të hyjnë në fuqi.
Burimi: Zyra e Kryeministrit të Kosovës.
Rreth autorit
