PRISHTINË, 2 nëntor — Rreth 40 gra kanë raportuar në Policinë e Kosovës dhunë fizike ose psikologjike, kërcënime dhe ngacmime nga bashkëshortët, ish-bashkëshortët apo partnerët gjatë javës së kaluar.
Numri më i madh i rasteve u regjistrua në Prishtinë dhe Pejë. Vetëm më 30 tetor u raportuan nëntë raste të dhunës në familje.
Disa nga gratë kërkuan ndihmë mjekësore. Shifrat vijnë në një periudhë shqetësimi të shtuar pas vrasjes së Arlinda Zekajt në Pejë, e cila kishte kërkuar mbrojtje nga institucionet.
Rreth 40 denoncimet dhe ndarjen sipas komunave i ka raportuar KOHA. Një raportim tjetër mbi rastet e dhunës pas vrasjes së Zekajt është publikuar nga Nacionale. Fotografia është ilustruese dhe nuk paraqet viktimat e raportuara.
Rreth autorit
