Ministria për Evropën dhe Punët e Jashtme ka njoftuar se deri më tani nuk ka raportime për qytetarë shqiptarë të lënduar nga përshkallëzimi i konfliktit mes Izraelit dhe Iranit.
Sipas ministrisë, aktualisht në Izrael ndodhen pesë shtetas shqiptarë – tre me status turisti dhe dy me qëndrim të përkohshëm – të cilët janë në gjendje të mirë shëndetësore dhe në kontakt të vazhdueshëm me ambasadën shqiptare në Tel Aviv.
Ministria thekson gjithashtu se po ndjek nga afër zhvillimet dhe situatën e sigurisë, ndërsa bën me dije se fluturimet drejt Izraelit janë ndërprerë përkohësisht për shkak të rrethanave.
