Kryeministri Edi Rama u kërkoi ambasadorëve shqiptarë që të regjistrojnë në mënyrë të plotë komunitetet shqiptare në botë, gjatë Konferencës Diplo2025.
Ai tha se Shqipëria nuk mund të lejojë mungesën e dijenisë për kapitalin njerëzor jashtë vendit, duke theksuar se mijëra profesionistë të suksesshëm shqiptarë nuk kanë nevoja materiale, por do të mirëprisnin thirrjen e atdheut për të kontribuar.
“Është e papranueshme që të mos kemi informacion për këtë pasuri të jashtëzakonshme që kemi jashtë vendit,” deklaroi Rama, duke i kërkuar shërbimit diplomatik të garantojë një regjistër të saktë të diasporës.
