Ushtria polake njoftoi se ka rrëzuar disa dronë rusë që shkelën hapësirën ajrore të vendit gjatë një vale sulmesh mbi Ukrainën perëndimore. Incidenti u cilësua si një “akt agresioni” që përbënte kërcënim real për qytetarët polakë.
Forcat ajrore të NATO-s u ngritën në ajër, ndërsa mbrojtja tokësore u vendos në gatishmëri të lartë. Aeroporti “Chopin” në Varshavë u mbyll përkohësisht, dhe banorëve në Podlaskie, Mazovia dhe Lublin iu kërkua të qëndrojnë brenda.
Kryeministri Donald Tusk deklaroi se ka informuar Sekretarin e Përgjithshëm të NATO-s, Mark Rutte, dhe se Polonia është në kontakt të vazhdueshëm me aleatët për situatën. Operacionet për gjetjen e dronëve të rrëzuar vijojnë në disa rajone të vendit.
