Gjykata franceze shpalli fajtor ish-presidentin Nicolas Sarkozy për konspiracion kriminal në çështjen e financimeve të paligjshme nga regjimi i Muammar Gaddafit dhe e dënoi me pesë vite burg.
Sarkozy u shpall i pafajshëm për akuzat e tjera për korrupsion pasiv, financim të paligjshëm të fushatës dhe keqpërdorim fondesh publike. Ai i mohoi akuzat dhe pritet të apelojë.
Sipas prokurorisë, marrëveshja me Gaddafin synonte marrjen e miliona eurove për fushatën presidenciale të vitit 2007 në këmbim të favoreve diplomatike. Sarkozy, i cili atëherë ishte ministër i Brendshëm, u akuzua se ndihmësit e tij zhvilluan takime me zyrtarë libianë që prej vitit 2005.
Autokrati libian, i izoluar për lidhjet me terrorizmin, përfshirë bombardimin e fluturimit Pan Am 103 mbi Lockerbie në vitin 1988, u prit me nderime në Paris pasi Sarkozy mori presidencën në 2007.
Rreth autorit
