Presidenti serb Aleksandar Vuçiq u takua në Nju-Jork me kryeministrin izraelit Benjamin Netanyahu, në kuadër të Asamblesë së Përgjithshme të OKB-së. Pas takimit, Vuçiq tha se bisedimet ishin “të mira dhe domethënëse” dhe theksoi se synimi kryesor është një marrëveshje për tregti të lirë mes dy vendeve.
Një pakt i tillë do t’i hapte Serbisë tregun izraelit për prodhime bujqësore dhe mallra industriale, ndërsa Tel Avivi do të fitonte akses më të lehtë në Ballkan për teknologjinë dhe investimet e tij. Për Beogradin, kjo do të ishte një rrugë për diversifikimin e ekonomisë dhe forcimin e marrëdhënieve me një aleat të SHBA-së.
Megjithatë, takimi zhvillohet në një moment të ndjeshëm: teksa lufta në Gaza vazhdon, media ndërkombëtare raportojnë për marrëdhënie tregtare në fushën e armëve mes Izraelit dhe Serbisë. Kjo e vë marrëveshjen e propozuar nën vëzhgim të shtuar ndërkombëtar, duke i dhënë diskutimit dimension më të gjerë politik dhe diplomatik.
