Presidenti amerikan Donald Trump dhe kryeministri izraelit Benjamin Netanyahu shpallën të hënën një marrëveshje me 20 pika për t’i dhënë fund luftës në Gaza. Plani parashikon lirimin e pengjeve dhe krijimin e një qeverie kalimtare palestineze të mbikëqyrur nga një “Bord Paqeje” i drejtuar nga Trump, me pjesëmarrjen e ish-kryeministrit britanik Tony Blair.
Nëse plani hyjnë në fuqi, Hamasi duhet të lirojë pengjet brenda 72 orëve, ndërsa Izraeli të lirojë 250 të burgosur palestinezë dhe 1 700 banorë të Gazës të arrestuar pas 7 tetorit 2023. Netanyahu e pranoi marrëveshjen si të përputhshme me objektivat e Izraelit, duke këmbëngulur se vendi do të mbajë kontrollin e sigurisë në Gaza dhe se Autoriteti Palestinez nuk ka rol pa “ndryshime radikale”.
Hamasi reagoi duke thënë se “rezistenca e armatosur është e drejtë e popullit palestinez” dhe se nuk pranon asnjë tutelë të huaj. Grupi e cilësoi Blairin “figurë të papranueshme” dhe deklaroi se nuk ishte pjesë e negociatave.
Forumi i Familjeve të Pengjeve në Izrael e përshëndeti planin si “marrëveshje historike” dhe kërkoi ndërprerjen e menjëhershme të luftimeve. Por në terren, të paktën 33 palestinezë u vranë nga sulmet izraelite që nga mëngjesi i së hënës, sipas burimeve spitalore në Gaza.
Megjithatë, tpa miratimin e Hamasit, plani mbetet i bllokuar, ndërsa lufta në Gaza vijon.
