Presidenti i Republikës, Bajram Begaj, ka përgëzuar ekipin përfaqësues të Kosovës për fitoren historike 1-0 ndaj Suedisë në Goteborg.
“Urime ekipit të Kosovës për fitoren ndaj Suedisë! Djemtë tanë na bëjnë krenarë. Përpara shqipe!”, shkroi Kreu i Shtetit në një reagim publik në rrjetet sociale.
Golin e vetëm të takimit e realizoi Fisnik Asllani në minutën e 32-të, pas një aksioni të shpejtë që vulosi suksesin e dardanëve. Me këtë fitore, Kosova ngjitet në vendin e dytë të Grupit B me 7 pikë, tre më pak se Zvicra kryesuese me 10.
Rezultati mban të gjallë ëndrrën e kualifikimit për në Botërorin 2026, ndërsa ndeshjet e radhës do të zhvillohen muajin e ardhshëm.
