Fondi Monetar Ndërkombëtar pret që ekonomia shqiptare të ruajë ritme të qëndrueshme rritjeje në dy vitet e ardhshme, pavarësisht paqëndrueshmërisë në tregjet ndërkombëtare.
Në raportin e fundit World Economic Outlook, FMN parashikon një zgjerim prej 3.4% të PBB-së në vitin 2025 dhe 3.6% në vitin 2026. Institucioni e lidh këtë ecuri me bazat e qëndrueshme makroekonomike dhe vijimin e reformave strukturore në vend.
Inflacioni pritet të mbetet brenda objektivit të Bankës së Shqipërisë, në 2.3% vitin e ardhshëm dhe 2.8% në 2026. Krahasuar me fqinjët e Ballkanit Perëndimor, Shqipëria renditet mes ekonomive me rritjen më të shpejtë.
FMN vëren se ekonomia globale do të zgjerohet me 3.2% në vitin 2025 dhe 3.1% në 2026, por paralajmëron për rreziqe të reja nga tensionet gjeopolitike, proteksionizmi tregtar dhe pasiguritë në tregjet financiare.
Në përfundim, raporti nënvizon se politika fiskale e kujdesshme, ruajtja e pavarësisë së bankave qendrore dhe diplomacia tregtare do të jenë faktorët kryesorë për të siguruar stabilitetin ekonomik dhe për të mbajtur gjallë besimin e investitorëve.
Rreth autorit
