Veteranit të Ushtrisë Çlirimtare të Kosovës, Avni Qenaj, i është caktuar paraburgim 30-ditor nga autoritetet serbe, të cilat e dyshojnë për krime lufte të vitit 1999. Ministria e Jashtme e Kosovës e ka quajtur këtë veprim përndjekje politike dhe thekson se akuzat janë pa bazë.
Ambasadori Jetish Jashari e vizitoi Qenajn në qendrën e paraburgimit në Beograd, ku ai ka rrëfyer se ka ndjerë presion psikologjik, por jo dhunë fizike. Qenaj nuk është takuar ende me familjen, e cila ka angazhuar katër avokatë mbrojtës.
Arrestimi ndodhi më 26 nëntor në Merdarë, gjatë një udhëtimi drejt Bosnjë-Hercegovinës, ndërsa para gjykatës u paraqit dy ditë më vonë.
