Qeveria miratoi të hënën rishikimin e katërt të buxhetit 2025, duke akorduar shpërblim fundviti 15 mijë lekë për personat me aftësi të kufizuara dhe familjet me ndihmë ekonomike.
Këto kategori ishin përjashtuar nga raundi i bonusit të tetorit për pensionistët.
Ministri i Financave Petrit Malaj tha se nga kjo masë përfitojnë 148 mijë persona me kosto totale 2.2 miliardë lekë.
Fondet e papërdorura të institucioneve shtetërore, në vlerë 150 milionë euro, do të kalojnë në llogarinë e Bankës së Shqipërisë për mbështetjen e reformës së pensioneve.
Rishikimi parashikon edhe 2 miliardë lekë shtesë për skemat mbështetëse të fermerëve dhe 1.2 miliardë lekë për pushtetin vendor për shlyerjen e borxheve që mbulojnë 40% të detyrimeve.
Ndryshimet u miratuan me akt normativ.
Rreth autorit
