Shtetet e Bashkuara kanë pezulluar shqyrtimin e vizave për emigrim nga 75 vende, përfshirë Kosovën, Shqipërinë, Maqedoninë e Veriut, Malin e Zi dhe Bosnjë e Hercegovinën.
Departamenti i Shtetit tha se masa lidhet me shqetësime për përdorimin e ndihmave sociale dhe do të jetë në fuqi deri në rishikimin e procedurave. Vendimi hyn në fuqi më 21 janar dhe nuk ka afat të përcaktuar.
Pezullimi nuk prek vizat turistike, biznesore apo kategori të tjera të përkohshme.
Administrata amerikane tha se masa është pjesë e politikave për kufizimin e emigracionit.
