Shqipëria çeli sot katër kapituj të grupkapitullit “Agjenda e Gjelbër dhe Ndërlidhja e Qëndrueshme”, duke e çuar në 24 numrin e kapitujve të hapur brenda 11 muajsh.
Ministrja daneze Marie Bjerre dhe Komisionerja e BE-së për Zgjerim, Marta Kos, përgëzuan Shqipërinë për progresin në reformën në drejtësi, luftën kundër korrupsionit dhe harmonizimin me politikën e jashtme të Unionit. Ato paralajmëruan se brenda vitit 2027 pritet hapja e negociatave të plota me BE.
Kos tha se mbetet për t’u hapur vetëm grupkapitulli “Bujqësia dhe Kohezioni”, duke kërkuar konsensus të gjerë kombëtar mbi reformat kyçe: drejtësinë, pronësinë, të drejtat e pakicave dhe lirinë e medias.
Kryeministri Edi Rama e quajti Danimarkën një nga mbështetëset më të forta të integrimit dhe theksoi se sfida më e madhe për dy vitet e ardhshme mbetet mjedisi. Ai tha se procesi i integrimit është një “bekim” për Shqipërinë dhe rajonin, sepse ofron dije dhe standarde europiane për ndërtimin e institucioneve.
Rreth autorit
