Presidenti i Kinës, Xi Jinping, priti Vladimir Putinin dhe Kim Jong Unin si të ftuar nderi në paradën e 80-vjetorit të fitores në Luftën e Dytë Botërore.
Tre udhëheqësit ecën së bashku në tapetin e kuq drejt Sheshit Tiananmen, ku mijëra qytetarë brohoritën dhe kënduan këngë patriotike. Kina shfaqi arsenal të ri: raketa bërthamore ndërkontinentale, armë hipersonike, lazerë, dronë “qen robotikë” dhe një formacion masiv dronësh ajrorë.
Në fjalimin e tij, Xi tha se Kina “nuk frikësohet nga ngacmuesit” dhe se “drejtësia dhe drita do të triumfojnë mbi të keqen”. Ai kujtoi ndihmën e aleatëve gjatë luftës, por nuk përmendi SHBA-të. Donald Trump reagoi menjëherë, duke akuzuar Xi, Putinin dhe Kimin se po “komplotojnë kundër Amerikës”.
Pas paradës, Putin dhe Kim do të zhvillojnë një takim dypalësh në Shtëpinë e Pritjes Shtetërore Diaoyutai.
Rreth autorit
