Shqipëria nis sot, 7 tetor 2025, pagesat në euro përmes SEPA (Single Euro Payments Area), pasi bankat shqiptare kanë përfunduar përgatitjet dhe janë gati për operim.
Me përfshirjen në SEPA, transfertat në euro nga Shqipëria dhe për në Shqipëri do të përpunohen me të njëjtat rregulla e standarde si pagesat vendase, duke sjellë shpejtësi më të madhe, komisione të unifikuara dhe më shumë siguri për qytetarët dhe bizneset.
SEPA mbulon 41 vende evropiane, përfshirë të gjitha shtetet anëtare të BE-së dhe disa vende jo-anëtare. Shqipëria u përfshi zyrtarisht në hartën e SEPA në vitin 2024; bankat dorëzuan aplikimet gjatë vitit 2025 dhe janë operacionale duke nisur nga sot.
Për përdoruesit, pagesat në euro kryhen me IBAN dhe rregulla të përbashkëta teknike (p.sh. ISO 20022), duke e thjeshtuar procesin për transfertat ndërkufitare, faturimet dhe pagesat e rregullta.
Rreth autorit
